మంగళగిరి, మహానాడు: పెదకాకాని మండలం నంబూరు గ్రామానికి చెందిన గాడిదపాటి రాజు అనే వ్యక్తి అపార్ట్మెంట్ లకు వాచ్మెన్ గా పనిచేస్తూ జీవనం సాగిస్తున్నాడు. ఆత్మకూరు గ్రామంలో ఒక అపార్ట్మెంట్ కు వాచ్మెన్ గా పనిచేస్తున్న సమయంలో అదే గ్రామానికి చెందిన తాటి రూపేంద్ర ప్రభు అనే వ్యక్తి రాజు కుమార్తెను వెంబడించి ప్రేమించమని వేధించాడు.
ఒక రోజు ఇంట్లో ఎవరూ లేని సమయం చూసి ప్రభు తన మోటార్ సైకిల్ పై వెళ్లి బాలికను బలవంతంగా తన బండిపై ఎక్కించుకుని కిడ్నాప్ చేశాడు. బాధిత కుటుంబ సభ్యుల ఫిర్యాదు మేరకు రూరల్ పోలీసులు కేసు నమోదు చేశారు. కేసు విచారించిన అనంతరం పోలీసులు నిందితుడు ప్రభును అరెస్టు చేసినట్టు ఎస్సై సిహెచ్ వెంకట్ తెలిపారు. నిందితునిపై గతంలో గంజాయి, లిక్కర్ కేసులు ఉన్నట్టు ఆయన చెప్పారు. ప్రభును కోర్టులో హాజరుపరచగా రిమాండ్‌ విధించారని తెలిపారు.