పారిశుద్ధ్య పనులు ఎమ్మెల్యే పరిశీలన

నరసరావుపేట, మహానాడు: పట్టణంలో పారిశుద్ధ్య పనులను బుధవారం ఎమ్మెల్యే డాక్టర్‌ చదలవాడ అరవింద బాబు పరిశీలించారు. డంపింగ్ యార్డ్, గడియారస్తంభం, లింగంగుంట్ల శివాలయం, గాంధీ పార్క్ లలో పర్యటించారు. గాంధీ పార్క్ వద్ద తెలుగు తల్లి విగ్రహ పనులను పరిశీలించారు. త్వరితగతిన విగ్రహం పనులను పూర్తి చేయాలని అధికారులకు ఆదేశించారు. అనంతరం మున్సిపాల్ కార్యాలయంలో మున్సిపాల్ కమిషనర్ ఆధ్వర్యంలో అండర్ గ్రౌండ్ సిల్ట్ పూడికతీత కార్మికులకు, డ్రెస్, బూట్లు, టోపీలు అవసరమైన సామగ్రిని అందించారు. పట్టణాన్ని సుందరంగా ఉంచడానికి కార్మికులు చేస్తున్న కృషిని ఎమ్మెల్యే అభిందించారు. ఈ కార్యక్రమంలో కమిషనర్ జస్వంత్ రావు, శానిటేషన్ అధికారులు, తదితరులు పాల్గొన్నారు.