– నవంబర్ 8 నుంచి 10 దాకా నెల్లూరు నగరంలో ధార్మిక సంబరాలు.
– కుటుంబ సమేతంగా విచ్చేసి సర్వేశ్వరుడి ఆశీస్సులు అందుకోండి.
– వేమిరెడ్డి దంపతులు
నెల్లూరు: పవిత్ర కార్తీక మాసం సందర్భంగా నెల్లూరు వి ఆర్ సి మైదానంలో నిర్వహించే లక్ష దీపోత్సవ ఆధ్యాత్మిక కార్యక్రమానికి సంబంధించిన బ్రోచర్ ను వేమిరెడ్డి దంపతులు ఆవిష్కరించారు. వేలాదిగా భక్త జనులు పాల్గొనే లక్ష దీపోత్సవం నవంబర్ నెల 8 తేదీ అనగా శుక్రవారం మొదలై 10 తేదీ ఆదివారం వరకు కొనసాగనుంది.
నెల్లూరు నగరంలోని మాగుంట లే అవుట్ నందు గల విపిఆర్ నివాసంలో నిర్వహించిన బ్రోచర్ ఆవిష్కరణ సందర్భంగా ఎంపి వేమిరెడ్డి ప్రభాకర్ రెడ్డి , ఎమ్మెల్యే ప్రశాంతి రెడ్డిలు మాట్లాడుతూ… మూడు రోజుల పాటు కొనసాగే ఈ లక్ష దీపోత్సవంలో కుటుంబ సమేతంగా పాల్గొని శివ పార్వతుల ఆశీస్సులు అందుకోవాలని పిలుపు నిచ్చారు. ఈ కార్యక్రమంలో లక్షదీపోత్సవ కమిటి కార్యవర్గ సభ్యులు కంజర్ల భాస్కర్ శర్మ, ఆమంచర్ల వెంకట ప్రభాకర్ రావు, గంధం సునీల్ కుమార్, ఆశం విజయసారధి తదితరులు పాల్గొన్నారు.