– టీడీపీ నేత గొట్టిపాటి లక్ష్మి
దర్శి, మహానాడు: ముండ్లమూరు గ్రామానికి చెందిన సాఫ్ట్వేర్ ఇంజనీర్ దద్దాల బుచ్చిబాబు మృతి పట్ల డాక్టర్ గొట్టిపాటి లక్ష్మి ప్రగాఢ సంతాపం తెలిపారు.
మండల కేంద్రమైన ముండ్లమూరు గ్రామానికి చెందిన దద్దాల కోటేశ్వరరావు కుమారుడు బుచ్చిబాబు ఆదివారం ఉదయం అమెరికాలోని బీచ్ లో ప్రమాదవశాత్తు మృతి చెందాడు. అమెరికా నుండి భౌతిక కాయాన్ని స్వగ్రామానికి చేర్చేందుకు డాక్టర్ లక్ష్మి చర్యలు చేపట్టారు.
అతని మరణం వారి కుటుంబానికి తీరని లోటు అని డాక్టర్ లక్ష్మి సానుభూతి వ్యక్తం చేశారు. తండ్రి కోటేశ్వరరావు తో ఆదివారం సాయంత్రం డాక్టర్ లక్ష్మి ఫోన్ ద్వారా జరిగిన సంఘటనపై వివరాలు తెలుసుకున్నారు. వెంటనే బుచ్చిబాబు భౌతికకాయాన్ని ముండ్లమూరు కి రప్పించేందుకు ప్రభుత్వపరంగా తీసుకోవాల్సిన చర్యలపై ఆమె తక్షణం స్పందించినట్టు తెలిపారు. ఐటీ శాఖ మంత్రి నారా లోకేష్, పౌర విమానయాన శాఖ మంత్రి కింజరాపు రామ్మోహన్ నాయుడు, కేంద్ర మంత్రి పెమ్మసాని చంద్రశేఖర్ తో చర్చలు జరిపినట్టు డాక్టర్ లక్ష్మి బుచ్చిబాబు కుటుంబ సభ్యులకు తెలిపారు.