అదానీ గంగవరం పోర్టులో భారీ అగ్నిప్రమాదం

– కన్వేయర్ బెల్టు దగ్ధం, కార్మికులు భయాందోళన

విశాఖపట్నం, జూలై 23: అదానీ గంగవరం పోర్టులో ఆదివారం అర్ధరాత్రి భారీ అగ్నిప్రమాదం సంభవించింది. వినియోగంలో లేని నెంబర్ 13 కన్వేయర్ బెల్టు సైలో మెషిన్ ఏరియాలో వెల్డింగ్ పనులు జరుగుతుండగా, అకస్మాత్తుగా మంటలు చెలరేగాయి. బొగ్గు లోడింగ్, అన్‌లోడింగ్ జరిగే ఈ ప్రాంతంలో మంటలు వ్యాపించడంతో కార్మికులు భయాందోళనకు గురయ్యారు.

అగ్నిమాపక శకటాల సహాయంతో మంటలు అదుపులోకి వచ్చాయి. పెదగంట్యాడ నుండి మూడు అగ్నిమాపక శకటాలు ఘటనా స్థలానికి చేరుకుని మంటలను ఆర్పివేశాయి. ఈ ఘటనలో ఎవరికీ గాయాలు కాలేదు లేదా ప్రాణనష్టం జరగలేదు.

పోర్టు యాజమాన్యం మాత్రం ఇదేమి పెద్ద ప్రమాదం కాదంటూ న్యూపోర్టు పోలీసులకు ఫిర్యాదు చేయలేదు. ఈ ప్రమాదం గురించి మరింత సమాచారం తెలియాలి.