నక్కా ఆనందబాబు సమక్షంలో టీడీపీలో చేరిక

వేమూరు/భట్టిప్రోలు, మహానాడు: భట్టిప్రోలు మండల తెలుగుదేశం పార్టీ కార్యాలయంలో ఆదివారం వైసీపీ పార్టీ నుంచి వివిధ సామాజికవర్గాలకు చెందిన 160 కుటుంబాల వారు టీడీపీలో చేరారు. వారంతా భట్టిప్రోలుకు చెందిన వారు. టీడీపీ ఆధ్వర్యంలో తామంతా కలిసి పనిచేయాలని నిర్ణయించుకున్నట్లు వారు తెలిపారు. వేమూరు టీడీపీ అభ్యర్థి నక్కా ఆనందబాబు వారికి పార్టీ కండువాలు కప్పి ఆహ్వానించారు. ఈ కార్యక్రమంలో టీడీపీ, జనసేన కూటమి నాయకులు, కార్యకర్తలు పాల్గొన్నారు.