– బీజేపీ ఏపీ ప్రధాన అధికార ప్రతినిధి లంక దినకర్
విజయవాడ, మహానాడు: హిండెన్‌బర్గ్ అధినేత జార్జ్ సోరోస్‌ సూచనల మేరకు కాంగ్రెస్ పార్టీ ఈడీ, సీబీఐ కార్యాలయాల ముందు ధర్నా నిర్వహిస్తోంది. కాంగ్రెస్ అధినేత రాహుల్ గాంధీతో కలిసి ఎల్లప్పుడూ కుమ్మక్కై మన దేశ ఆర్థిక వ్యవస్థను నిర్వీర్యం చేసేందుకు కుట్రలు చేస్తున్నారని బీజేపీ ఏపీ ప్రధాన అధికార ప్రతినిధి లంక దినకర్ అన్నారు. ఈ మేరకు ఆయన గురువారం ఒక ప్రకటన విడుదల చేశారు.
ప్రస్తుతం మన దేశంలో ఎవరూ హిండెన్‌బర్గ్ రిపోర్టుల ద్వారా తమ కోరికలను తీర్చుకోవాలనుకున్నా ప్రజలు ప్రతిస్పందించడం లేదు. ఈమధ్య వారి నివేదిక ప్రచురించిన తర్వాత స్టాక్ మార్కెట్ స్పందించిన తీరు రుజువు చేసింది. ఇప్పుడు, రాహుల్ గాంధీ హిండెన్‌బర్గ్‌తో నిరర్థకమైన కసరత్తుపై ప్రజలు విసుగు చెందారు. ఎందుకంటే వారి అంచనాలు విఫలమయ్యాయి, వారి నివేదిక తర్వాత రోజున స్టాక్ మార్కెట్ సానుకూలంగా స్పందించిందన్నారు.
హిండెన్‌బర్గ్ నివేదిక ఆరోపణలపై సుప్రీంకోర్టు ఆదేశాల మేరకు ఏర్పాటు చేసిన నిపుణుల కమిటీ నివేదికను దేశ ప్రజలు చూసిన అనంతరం హిండెన్‌బర్గ్ రాహుల్ గాంధీ మధ్య స్నేహం ఉందన్న సంగతిని ఎప్పుడో గుర్తించారు. తెలంగాణ, కేరళ, గతంలో రాజస్థాన్‌లో ప్రభుత్వంలో ఉన్నప్పుడు కాంగ్రెస్, కమ్యూనిస్ట్ పార్టీలు అదానీ గ్రూపు నుండి వేల కోట్ల పెట్టుబడులు కోసం అర్రులు చాచారు. ఎందుకు ఇప్పటికీ ఆ సంస్థతో ఒప్పందాలు చేసుకుంటున్నారు? మరోవంక రాజకీయ ప్రయోజనాల కోసం అదే గ్రూపునను ఎందుకు బీజేపీ కి ఆపాదిస్తూ విమర్శిస్తున్నారు? ఈ ద్వంద వైఖరిని ప్రజలు గమనిస్తున్నారన్నారు.
ఎవరైనా చట్టవిరుద్ధమైన అవినీతికి పాల్పడితే, ఏ రెగ్యులేటరీ బాడీ, సంస్థల నుండి తప్పించుకోలేరు. అందువల్ల, రాహుల్ గాంధీ భయపడాల్సిన అవసరం లేదు. అతను దోషి కానట్టయితే సంతోషంగా ఉండడం మేలు. ఈడీ కార్యాలయాల వద్ద ధర్నాలు నిర్వహించడం ద్వారా, దర్యాప్తు అధికారులను బెదిరించడం ద్వారా చట్టం నుంచి ఎన్నటికీ తప్పించుకోలేరు.