వెల్దుర్తి, మహానాడు : అక్రమ రవాణా చేస్తున్నాడని నిందితుడిని అదుపులోకి తీసుకున్న అటవీశాఖ అధికారులపై రాళ్లతో దాడి చేసిన సంఘటన పల్నాడు జిల్లా వెల్దుర్తి మండలంలో జరిగింది. వివరాల్లోకి వెళితే…
పంగోలియన్ స్మగ్లింగ్ చేస్తున్న ముఠాలో సభ్యుడ్ని అదుపులోకి తీసుకొని వస్తుండగా మార్గమధ్యలో గొట్టిపాళ్ళ గ్రామశివారులో నిందితుల బంధువులు నిందితుడిని విడిపించేందుకు అటవీశాఖ అధికారుల వాహనంపై రాళ్లతో దాడికి తెగబడ్డారు. ఈ ఘటనలో వైల్డ్ లైఫ్ రేంజ్ ఆఫీసర్ సత్యనారాయణ రెడ్డి, బీట్ ఆఫీసర్ మహేష్ బాబుకు గాయాలయ్యాయి. గాయపడిన వారిని మాచర్ల ప్రభుత్వాసుపత్రికి తరలించి చికిత్స చేస్తున్నారు. ఈ ఘటనపై వెల్దుర్తి పోలీసులకు అటవీ శాఖ అధికారులు ఫిర్యాదు చేశారు.