విప్లవాలు రగిలించిన రక్తం
పోరాటం శక్తి
భరతమాత ముక్తికి
స్వాతంత్ర్యం లో ప్రాణాలర్పణం
భారతావని నొసటి తిలకం
హృదయంలో ఉప్పొంగిన సమరం
ఊరి కొయ్యలనే ముద్దాడి
పంచప్రాణాలని సమర్పించే…
స్వరాజ్యసాధనలో ముందుండి
జాతిని జాగృతం చేసేందుకు
చిన్న వయసులోనే విప్లవకణం
దేశముక్తికి దొరికిన సమరం..
ఉద్యమాలకు ఊపిరి పోస్తూ
ఢిల్లీ వీధిలో ఎర్ర కాగితాలు చల్లి
ప్రజలను చైతన్య పరుస్తూ
విప్లవ వీరులలో అత్యంత ప్రతిభాశాలి..
ప్రజాహితము కోసం పోరాడే
బ్రిటిష్ చట్టాన్ని వ్యతిరేకించే
ఆశయ సాధనలో ముందుండి
స్వరాజ్య ఫలితాల కోసం నిరీక్షించే..
నమ్మిన సిద్ధాంతానికి కట్టుబడి
అమర జ్యోతిలా వెలుగొందే
నినాదాలతోనే జీవితాన్ని గడిపే
అమరవీరునిలా నేలపైన నిలిచే…
పోరాటాన్ని ఆయుధంగా మలుచుకొని
ఆలోచనలన్నీ దేశం కోసమే ధార పోసే
స్వరాజ్యసమరంలో ప్రమిదలా
భావితరాలకు విప్లవ జ్యోతిలా వెలుగొందే…
భగత్ సింగ్ జయంతి సందర్భంగా ..
కొప్పుల ప్రసాద్
నంద్యాల
9885066235