చంద్రబాబు జన్మదిన వేడుకలు
మంగళగిరి, మహానాడు : తెలుగుదేశం పార్టీ జాతీయ అధ్యక్షుడు నారా చంద్రబాబు నాయుడు పుట్టిన వేడుకలు బీసీ సాధికార సమితి ఆధ్వర్యంలో తెలుగుదేశం పార్టీ కేంద్ర కార్యాలయంలో శనివారం ఘనంగా నిర్వహించారు. ముందుగా గుంటూరు పార్లమెంటు బీసీ సాధికార సమితి సభ్యులు జొన్నాదుల బాలకృష్ణ ఆధ్వర్యంలో మంగళగిరి పానకాల స్వామి దేవాలయం నుంచి భారీ బైక్‌ ర్యాలీగా పార్టీ కార్యాలయానికి చేరుకు న్నారు. పొలిట్‌బ్యూరో సభ్యులు వర్ల రామయ్య, జాతీయ అధికార ప్రతినిధి కొమ్మారెడ్డి పట్టాభిరామ్‌, బీసీ సాధికార సమితి ప్రధాన కార్యదర్శి వీరంకి వెంకట గురుమూర్తి 75 కిలోల కేక్‌ కట్‌ చేశారు. రాష్ట్రం కోసం తపించే చంద్రబాబు వంటి నాయకుడిని మళ్లీ గెలిపించుకోవడానికి అలుపెరుగక ప్రతి ఒక్కరూ కృషిచేయాలని పిలుపునిచ్చారు. ఈ కార్యక్రమంలో గోవాడ దుర్గారావు, వాకా మదితరావు గౌడ్‌, అన్నం నాగబాబు, తాత కోటయ్య, జొన్నాదుల వెంకట రామాంజనేయులు, చింతా వెంకటేశ్వ ర్లు, సింహాద్రి రామారావు పాల్గొన్నారు.