ప్రజా సమస్యల పరిష్కారమే లక్ష్యం
ఎమ్మెల్యే డా౹౹చదలవాడ అరవింద బాబు
గుంటూరు, మహానాడు: ప్రజలకు మెరుగైన సదుపాయాలు కల్పించడమే తన ముందున్న తక్షణ కర్తవ్యమని నరసరావుపేట ఎమ్మెల్యే డా౹౹చదలవాడ అరవింద బాబు అన్నారు. నరసరావుపేట పట్టణంలోని ఆరో వార్డు పరిధిలోని బాబా పేట ఫ్లైఓవర్ క్రింద వర్షం నీరు నిలిచిపోయి ప్రజలు అవస్థలు పడటం పై అసహనం వ్యక్తం చేశారు. గత ప్రభుత్వం రోడ్ల నిర్మాణం,మరమ్మతులను గాలికి వదిలేసిందని మండిపడ్డారు. అందుకే ఇప్పుడు ప్రజలకు నిత్య నరకం తప్పడం లేదన్నారు. ప్రజల అవస్థలను దృష్టిలో పెట్టుకొని చంద్రబాబు నేతృత్వంలోని ప్రజా ప్రభుత్వం రోడ్ల మరమ్మతులకు నిధులు మంజూరు చేసిందన్నారు. నియోజకవర్గంలో సమస్యల పరిష్కారానికి కట్టుబడి ఉన్నానని ఎమ్మెల్యే డా౹౹చదలవాడ అరవింద బాబు అన్నారు.