– ఎమ్మెల్యే చదలవాడ అరవింద బాబు
నరసరావుపేట, మహానాడు: ప్రయాణికుల సౌకర్యార్థం నరసరావుపేట ఆర్టీసీ డిపో నుంచి మరిన్ని కొత్త బస్సు సర్వీసులు నడిపేందుకు చర్యలు తీసుకుంటామని ఎమ్మెల్యే డాక్టర్‌ చదలవాడ అరవింద బాబు తెలిపారు. పట్టణంలోని ఆర్టీసీ డిపోలో ఆయన రెండు నూతన బస్సులను లాంఛనంగా ప్రారంభించారు. అనంతరం మాట్లాడుతూ…. రానున్న రోజుల్లో మరిన్ని కొత్త భక్తులు తీసుకొస్తామన్నారు. ప్రయాణికులకు మెరుగైన సౌకర్యాలు కల్పించాలని ఆర్టీసీ అధికారులను కోరారు. ప్రయాణికులు అధికంగా ఉన్న ప్రాంతాల్లో ఆర్టీసీ బస్సులు నడపాలని, ఇబ్బందులు లేకుండా నిత్యం పర్యవేక్షించాలని అధికారులకు సూచించారు. ఎన్డీఏ ప్రభుత్వం ప్రజల సంక్షేమానికి కృషి చేస్తుందని వివరించారు. ఈ కార్యక్రమంలో టీడీపీ కూటమి నాయకులు.. ఆర్టీసీ అధికారులు పాల్గొన్నారు.