నెల్లూరు: వైసీపీకి నెల్లూరులో బిగ్ షాక్ తగిలింది. నెల్లూరు మేయర్ స్రవంతి, ఆమె భర్త జయవర్ధన్ ఆ పార్టీకి రాజీనామా చేశారు. తామంతా నెల్లూరు రూరల్ ఎమ్మెల్యే కోటంరెడ్డి శ్రీధర్రెడ్డి వెంట నడుస్తామని ప్రకటించారు. తమకు శ్రీధర్ రెడ్డి వల్లే మేయర్ పదవి వచ్చిందని, అధికార పార్టీ బెదిరింపుల వల్లే అప్పుడు పార్టీని వీడామని తెలిపారు. ఎలాంటి రాజకీయ నేపథ్యం లేకున్నా శ్రీధర్రెడ్డి తనకు కార్పొరేటర్ టికెట్ ఇచ్చారని వివరించారు.