పనిచేయడానికి వచ్చే వారందరికీ పార్టీ తలుపులు తెరిచే ఉంటాయి

లోకేష్ సమక్షంలో టిడిపిలోకి అనంతపురం నేతలు
రాష్ట్రం కోసం కలిసి వచ్చేవారందరికీ యువనేత ఆహ్వానం

ఉండవల్లి: అనంతపురానికి చెందిన పలువురు వైసిపి ముఖ్యనేతలు యువనేత నారా లోకేష్ సమక్షంలో శుక్రవారం టిడిపిలో చేరారు. పార్టీలోకి చేరిన నాయకులకు లోకేష్ పసుపు కండువాలు కప్పి సాదరంగా ఆహ్వానించారు. రాష్ట్రాభివృద్ధిని కాంక్షించి చంద్రబాబునాయుడు నేతృత్వంలో పనిచేయడానికి వచ్చే వారందరికీ పార్టీ తలుపులు తెరిచే ఉంటాయని లోకేష్ అన్నారు. జగన్ విధ్వంసక పాలనతో రాష్ట్రం 30ఏళ్లు వెనక్కి వెళ్లిందని తెలిపారు.

అనంతపురంలో పార్టీ అభ్యర్థి విజయానికి కృషిచేయాలని, అధికారంలోకి వచ్చాక తగిన గుర్తింపునిస్తామని చెప్పారు. పార్టీలో చేరిన వారిలో అనంతపురం నగర వైసిపి మాజీ అధ్యక్షుడు జయరాం నాయుడు, అనంతపురం రూరల్ మాజీ ఎంపిపి హేమలత, అనంతపురం రూరల్ సర్పంచ్ ఉదయ్, ఎంపిటిసి జ్యోతి, 12వ డివిజన్ కార్పొరేటర్ బాబా ఫకృద్దీన్, 23వ డివిజన్ కార్పొరేటర్ హరిత, మార్కెట్ యార్డు డైరక్టర్ గోవిందు, అనంతపురం రూరల్ నాయకులు శ్రీరాములు, సుధాకర్, నారాయణస్వామి, షేక్ షావలి, రమణ, లక్ష్మీదేవి, జయ బూన్ బీ, ఫిరోజ్, మల్ రాయుడు, పల్లవి, నాయుడు, శశాంక్ రాహుల్, రామ్మోహన్, చంద్ర, ప్రవీణ్ తదితరులు ఉన్నారు.