98 రన్స్ వద్ద డిఫెన్స్ బదులు, బాబు కొట్టిన షాట్‌కు బంతి కనిపించడం లేదు. కూటమి ఎమ్మెల్యేలతో 98వ రోజు మీటింగ్ పెట్టారు. వందరోజుల మైలు రాయిని చేరుకోబోతున్న తమ పాలన గురించి, ప్రజల వద్దకు పండగలా ఎలా తీసుకు వెళ్లాలి అని చర్చ జరిగింది. చంద్రబాబు పడుతున్న కష్టం, పనిలో ఆయన వేగం, చేసిన మంచిపనుల గురించి పవన్ కల్యాణ్ ఆశ్చర్యం వ్యక్తం చేస్తూ మాట్లాడడం గట్రా జరిగింది.
చివర్లో నాయుడు ఆవేదనతో, శ్రీవారి ప్రసాదంకు వాడే నెయ్యిలో అనిమల్ ప్యాట్ కూడా వుందని బాధపడుతూ చెప్పారు. క్షణాల్లో అణుబాంబు పొగలా వ్యాపించింది. ఇది నిజమా? అసలు ఆ మాట ఆయన అన్నాడా? సంచలనం కోసం ఏదో ఫేక్ వార్త అయ్యుంటుందని అనుకొన్నారు అంతా.
కాసేపటికి ఆయన మాట్లాడిన వీడియో బయటకు వచ్చింది. కానీ ఆలోపే సుబ్బారెడ్డి, కరుణాకర్ రెడ్డి.. చంద్రబాబు మహాపాపం చేశాడు. దేవుడి ప్రసాదం గురించి దారుణమైన మాటలు మాట్లాడాడు అంటూ తీవ్రంగా ప్రతిస్పందించారు. ఇటు టిడిపిలో నాయకులు కూడా వారి విమర్శలకు వెంటనే ఎవరూ స్పందించలేదు.
అప్పటికి 98 పరుగులు పూర్తి చేసిన నాయుడు, క్రీజు వదిలి ముందుకు వచ్చాడు. వైకాపా భలే విసిరింది బంతి అనుకొన్నారు అంతా. తెల్లారింది. మీడియాలో వచ్చిన ఆ వార్తల గురించి జనం చదువుకొన్నారు. చర్చ మొదలైంది. కాస్త పొద్దెక్కింది, ఆనం మీడియా సమావేశం పెట్టాడు. నెయ్యి శాంపిల్స్ మీద చేయించిన ల్యాబ్ రిపోర్టులు బహిర్గతం చేశాడు.
98వ పరుగు వద్ద నాయుడు కొట్టిన బంతి కనిపంచక, బైర్లు కమ్మినట్లుగా.. వైకాపా మొహాల్లో నెత్తురు చుక్క లేదు. ఎలా తలెత్తుకోవాలో కూడా తెలియలేదు. ఎంత బొంకితే.. ఎంత స్వరం పెంచితే.. అంత జనం అసహ్యించుకొనే మహాపాపం మరి.
ఎన్ పెరుమాలే.. అని తమిళనాడు భక్తుల నుండి, బాలాజీ అని కొలిచే ఉత్తరాది వరకే కాకుండా.. ప్రపంచ వ్యాప్తంగా ప్రసిద్ధి గాంచిన కలియుగ వైకుంఠం విషయంలో, వైకాపా చేసిన అపచారం గురించి బయటకు చెప్పకపోతే.. ఈ రాక్షసులు చేసిన మహాపరాథం సహించడానికి అది అమరావతి, పోలవరం లాంటి విధ్వంసాలు కాదు. కోట్లాది భక్తుల తరతరాల శతాబ్దాల నమ్మకం మీద, వైకాపా చేసిన వికృత అపచారం. దేశం మొత్తం దీని గురించి చర్చ మొదలైంది.
అయ్యో అని వైకాపాకు ఓటేసిన వారి నుండి …ఇలాంటి వారని తెలియక సహకరించామే అనే అంతర్మథనం గల్లీ నుండి ఢిల్లీ వరకు. ఈ ఘోరాన్ని చేసి ఇంకా బుకాయిస్తున్న ఆ దుర్మార్గులను చూస్తూ.. పశ్చాత్తాప పడుతూ ప్రాయశ్చిత్తంగా.. గోవిందా మమ్మల్ని మ
చంద్రబాబు నాయుడి చేత శ్రీవారు ఈ మాటలు చెప్పించి వుండకపోతే.. ఏడు కొండలను కూడా రిషికొండల లెక్క గొరిగి ప్యాలెస్లు కట్టుకొనేవాడు జగన్, భవిష్యత్తులో.
– చాకిరేవు